વિદ્યાર્થી વિજ્ઞાન મંથન 2026માં ભાગ લેવા માટે શાળાઓને પ્રોત્સાહિત કરવા બાબત.
સંદર્ભ:
- શિક્ષણ વિભાગની ઈ-તપાલ આદેશ ક્રમાંક: 58324/e-tappal/06/2026/A1
- NCERT, નવી દિલ્હીનો પત્ર ક્રમાંક: F. No. 1-20/DESM-PA/2026-27/177177, તા. 02/06/2026
- એજન્સી કચેરીની નોંધ GCERT/MIS/e-file/108/2026/0499/Science, તા. 04/06/2026 પર માન. અધિક નિયામકશ્રીની મંજૂરી.
ઉપરોક્ત વિષય અને સંદર્ભ અન્વયે જણાવવાનું કે વિજ્ઞાન ભારતી (VIBHA), નવી દિલ્હી દ્વારા ધોરણ 6 થી 11માં અભ્યાસ કરતા હોય તેવા વિજ્ઞાન વિષયમાં પ્રતિભાશાળી વિદ્યાર્થીઓની ઓળખ કરવાના હેતુથી ‘વિદ્યાર્થી વિજ્ઞાન મંથન (VVM)’ નામથી ડિજિટલ માધ્યમથી પરીક્ષા લેવામાં આવે છે.
| મુખ્ય ઉદ્દેશ્ય | વિદ્યાર્થીઓમાં વિજ્ઞાન પ્રત્યે રસ જગાડવો, વિજ્ઞાન અને ટેકનોલોજીમાં ભારતના યોગદાન વિષે શિક્ષિત કરવા અને વૈજ્ઞાનિક અભિગમ ધરાવતા પ્રતિભાશાળી વિદ્યાર્થીઓની ઓળખ કરવી. |
| પાત્રતા | આ પરીક્ષા ધોરણ 6 થી 11 ના વિદ્યાર્થીઓ માટે છે. |
| પરીક્ષાનું માધ્યમ | ડિજિટલ માધ્યમ (ઓનલાઇન). |
| પરીક્ષાની ભાષા | પરીક્ષા અંગ્રેજી, હિન્દી અને ગુજરાતી સહિત દેશની મુખ્ય પ્રાદેશિક ભાષાઓમાં લેવાશે. |
| રજિસ્ટ્રેશનની અંતિમ તારીખ: | 30 સપ્ટેમ્બર 2026 |
રજિસ્ટ્રેશન માટેની વેબસાઇટ
આપના કાર્યક્ષેત્રમાં સમાવિષ્ટ શાળાઓમાં આ પરીક્ષા અંગેની જાગૃતિ વધે અને વધુમાં વધુ વિદ્યાર્થીઓ આ પરીક્ષામાં ભાગ લઈ શકે તે માટે આપની કક્ષાએથી શાળાઓને જાણ અને પ્રોત્સાહિત કરવા વિનંતી છે.
