બનાસકાંઠા DPEOના વસ્તી ગણતરીના પરિપત્રથી નવો વિવાદ સર્જાયો છે. DPEOએ વસ્તી ગણતરી સહિતની કામગીરી શાળા સમયમાં ન કરવાનો ઉલ્લેખ કરતા પ્રાથમિક શાળાના શિક્ષકોમાં ભારે નારાજગી જોવા મળી છે.
📢 બનાસકાંઠા જિલ્લા શિક્ષણ વિભાગનો મહત્વપૂર્ણ નિર્ણય
🏫 શાળાઓ માટે જાહેર કરાયા કડક નિયમો
- 📵 1. શિક્ષકોના મોબાઇલ ફોનના ઉપયોગ પર પ્રતિબંધ
- શાળા સમય દરમિયાન શિક્ષકો મોબાઇલનો ઉપયોગ કરી શકશે નહીં.
- 📱 2. મોબાઇલ ફોન જમા કરાવવાના રહેશે
- શાળા શરૂ થતાં જ શિક્ષકોએ પોતાના મોબાઇલ ફોન આચાર્યશ્રી પાસે જમા કરાવવાના રહેશે.
- 👥 3. વસ્તી ગણતરીની કામગીરી
- શાળા સમય દરમિયાન વસ્તી ગણતરી સહિતની અન્ય કામગીરી નહીં કરી શકાય.
- 🎉 4. બિન-શૈક્ષણિક કાર્યક્રમો પર પ્રતિબંધ
- શાળાઓમાં યોજાતા વય નિવૃત્તિ સમારંભ, સન્માન સમારંભ તથા અન્ય બિન-શૈક્ષણિક કાર્યક્રમો પર પ્રતિબંધ મૂકવામાં આવ્યો છે.
- 📋 5. નિયમોના કડક અમલીકરણની સૂચના
- જિલ્લા પ્રાથમિક શિક્ષણાધિકારીને નિયમોનું કડક પાલન કરાવવા સૂચના આપવામાં આવી છે.
- 📚 6. વિદ્યાર્થીઓના અભ્યાસ પર વિશેષ ધ્યાન
- બાળકોના અભ્યાસ પર સંપૂર્ણ ધ્યાન કેન્દ્રિત કરી શિક્ષણનું સ્તર સુધારવા માટે આ નિર્ણય લેવામાં આવ્યો છે.
- ✅ ગુણવત્તાયુક્ત શિક્ષણ અને વિદ્યાર્થીઓના સર્વાંગી વિકાસ માટે શિક્ષણ વિભાગનો મહત્વપૂર્ણ નિર્ણય.
બનાસકાંઠા જિલ્લા પ્રાથમિક શિક્ષણાધિકારી (DPEO) દ્વારા વસ્તી ગણતરી સંબંધિત કામગીરી અંગે જાહેર કરાયેલા પરિપત્રને લઈને શિક્ષક વર્ગમાં વિવાદ સર્જાયો છે. પરિપત્રમાં શિક્ષકોને શાળા સમય દરમિયાન વસ્તી ગણતરી સહિતની અન્ય સરકારી કામગીરી ન કરવા સૂચના આપવામાં આવી છે. સાથે જ શાળા સમય દરમિયાન મોબાઈલ ફોનના ઉપયોગ પર પ્રતિબંધ મૂકીને મોબાઈલ આચાર્યને જમા કરાવવાનો આદેશ પણ કરવામાં આવ્યો છે.
આ નિર્ણય સામે વિવિધ શિક્ષક સંગઠનો દ્વારા નારાજગી વ્યક્ત કરવામાં આવી છે. રાષ્ટ્રીય શૈક્ષિક મહાસંઘે પરિપત્રને અયોગ્ય અને વ્યવહારુ પરિસ્થિતિઓને અવગણનાર ગણાવ્યો છે.
TET : बैगर टीईटी वाले शिक्षकों को नहीं मिलेगा प्रमोशन, सरकार ने किया साफ, नवंबर 2027 तक की मोहलत
અખિલ ભારતીય રાષ્ટ્રીય શૈક્ષિક મહાસંઘના પ્રમુખ મિતેષ ભટ્ટે જણાવ્યું કે, શિક્ષકોને શાળા સમય પહેલાં અથવા પછી વસ્તી ગણતરીની કામગીરી પૂર્ણ કરવાનો આદેશ વ્યવહારિક રીતે શક્ય નથી. તેમણે કહ્યું કે હાલમાં વસ્તી ગણતરીની કામગીરીમાં મોટી સંખ્યામાં મહિલા શિક્ષકોને જવાબદારી સોંપવામાં આવી છે. અંદાજે 50થી 55 ટકા મહિલા શિક્ષકો આ કામગીરી સાથે જોડાયેલા છે, જેથી રાત્રિના સમયે ઘર-ઘર જઈને માહિતી એકત્રિત કરવી તેમના માટે સુરક્ષા અને સુવિધાના દૃષ્ટિકોણથી મુશ્કેલ બની શકે છે.
અન્ય રજા વિશે વાંચવા માટે નીચેનું આર્ટીકલ જુઓ
અર્ધ પગારી રજા (Ardhpagari leave)
તેમણે વધુમાં જણાવ્યું કે વસ્તી ગણતરી એક રાષ્ટ્રીય મહત્વની કામગીરી છે, પરંતુ તેની જવાબદારી માત્ર શિક્ષકો પર જ ન હોવી જોઈએ. રાજ્ય અને કેન્દ્ર સરકારના અનેક વિભાગોમાં કાર્યરત કર્મચારીઓની સેવાઓ પણ આ કામગીરી માટે લેવામાં આવી શકે છે. શિક્ષકો પર વધારાનો બોજ નાખવાને બદલે અન્ય વિભાગોના કર્મચારીઓને પણ તેમાં સામેલ કરવા જોઈએ.
પરિપત્ર જાહેર થયા બાદ શિક્ષકોમાં ચર્ચા અને અસંતોષનું વાતાવરણ જોવા મળી રહ્યું છે. આગામી દિવસોમાં આ મુદ્દે શિક્ષક સંગઠનો અને શિક્ષણ વિભાગ વચ્ચે ચર્ચા થવાની સંભાવના વ્યક્ત કરવામાં આવી રહી છે.
read more :: રાજ્યમાં 1808 મુખ્ય શિક્ષકોની જગ્યાઓ ભરાશે, શિક્ષણ વિભાગે સત્તાવાર પરિપત્ર બહાર પાડ્યો
અબ્રાહમ મેસ્લો પ્રેરણાઓના શ્રેણી ક્રમ નો સિદ્ધાંત
READ MORE :: Tet /htat exam માટે ઉપયોગી બચાવપ્રયુક્તિઓ
ALSO READ :: શિક્ષણ માં નાવિન્યકરણ અને સંશોધન (શિક્ષણ માં નવાચાર )innovation
🚨અમે માત્ર તમને માહિતી આપીયે છીએ. નોકરી નહિ..
અમે વિવિધ સોશિયલ માધ્યમો માંથી માહિતી લઈ આપના સુધી પહોંચાડીએ છીએ.
